Plantun de Prouvènço

Pèr coumpara dos planto d'encò nostre

Riccia glauca & Campanula rotundifolia subsp. macrorhiza

Riccia glauca

Ricciaceae

Nom en français : Riccie glauque.

Descripcioun :
Aquesto ricìo (gènre Riccia) es uno di mai coumuno di ricìo de Prouvènço. Soun de pichòti planto à tale que fan uno lamo verdo au sòu en fourmo de rouseto o de lobe de 1 cm de long aperaqui. L'espouroufite èi caupu dins lou tale au contro di mousso, e lis esporo sorto un cop li lobe creba.

Usanço :
Fai partido dóu subre gènre Riccia que se recounèis à si coulounado de cellulo sarrado (vèire li fotò). Se destrìo dis àutri ricìo bonodi sa taio (4 cop mai larg que aut), qu'a ges d'alo e tambèn ges de bord clar e mai enca...

Port : Tale coumplèisse
Taio : 0,3 à 0,4 cm
Fueio : ges
Tipe bioulougico :
Cicle bioulougico : Planto renadivo

Gènre : Riccia
Famiho : Ricciaceae

Ordre : Marchantiales

Coulour de la flour :
Petalo : ges
Ø (o loungour) flour : ges
Flourido : Printèms

Sòu : Ca (Si)
Autour basso e auto : ?
Aparado : Noun

Liò : Terro argielouso - Champ cultiva - Garrigo
Estànci : Mesoumediterran à Subaupen
Couroulougi : Oulartico
Ref. sc. : Riccia glauca L., 1753

Campaneto(-di-fueio-redouno)

Campanula rotundifolia subsp. macrorhiza

Campanulaceae

Autre noum : Campanello(-di-fueio-redouno).

Nom en français : Campanule à grosses racines.

Descripcioun :
Aquesto campaneto èi coumuno en basso Prouvènço. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. macrorhiza, que trachis tipicamen dins li pertus de paret e roucas, a uno racino mai espesso que la subsp. rotundifolia.

Usanço :
Es uno planto manjadisso. La racino sèmblo apasima li doulour.